هل الجواز دلوقتي يعتمد علي البنت وشطارتها؟
ليه نسبة العنوسة زادت اوي كده؟
ليه دلوقتي بقت البنت هيا اللي بتجري ورا الولد؟
أتحدي اني أشوف ولد بيجري ورا بنت!
والولد لو ملقاش البنت اللي تناسبه أو لو رفضته علطول أمه تقوله في ستين ألف داهية ,ده ألف من تتمناك وفعلا بيكون في مليون يتمنوا بس ظل راجل ولاظل حيط.
هل أنا المفروض أجاري المجتمع والظروف اللي احنا فيها دلوقتي اللي عدد الولاد فاق عدد البنات بكتيييير!
ودلوقتي الأولوية للبنت الصيادة الذكية أو الجميلة أو الغنية!
هل المفروض أعمل زي ماالبنات بيعملوا وأحاول أصطاد عريس أو أقبل بأي حد يتقدملي عشان خايفة ميجليش أحسن أو ميجليش غيره أصلا !
طب والكرامة!
والحياء بتاع المرأة!
كل ده فين؟
هل المفروض أتنازل عن كل ده وأساير الرياح مطرح ماتوديني المركب تمشي!
وا عجباه!
هناك تعليق واحد:
والله انا شايف ان كل شىء نصيب
وممكن يبقى نصيبك ابعد شىء عنك فى الدنيا وفجأة تلاقيه بين ايديك
لكن ممكن برضو يبقى نصيبك بين ايديك وبيتمناك وانت اللى ترميه وتتخلى عنه
ساعتها ممكن تدور عليه تانى بس مش هتلاقيه
إرسال تعليق