أصعب الم , هو الم الحب ,عذاب الحب , بجد أصعب ألم.كل شوية حبيبي يسيبني ولأتفه الاسباب , بعد ماكنا احنا الاتنين روح واحدة , فصيلة واحدة , كيان واحد , قلب واحد ,بقي كل واحد مننا في ناحية.
أيوه انا اللي بدأت وغلطت وبعدت ,وعذبته معايا...
بس رجعت وندمت وتوسلت اليه انه يسامحني ويفهمني وينسي اللي فات ونبدأ صفحة جديدة...
بس كان صعب عليه اوي انه ينسي اللي فات ويرجع زي ماكان....
وانا مبقيتش عايزة حاجة غير اني أنسيه همومه وحزنه وكل اللي فات وأعوضه بالحب والحنان والاهتمام...
ووافق بعد ماترجيت وتوسلت وبكيت وقعدت ايام بتعذب وبندم وبقول ياريت اللي جري ماكان....
وفرحت اول مارضي يديني فرصة ,أثبتله فيها حبي واهتمامي , ندمي وشوقي واتزاني...
وجيت علي نفسي في حجات كتير وضحيت ضحيت كتيير , وبقيت أخاف أقول اي كلمة يزعل ويسيبني ويقولي راحت الفرصة....
وعندي استعداد أعمل أكتر من كدد هشان أعوضه عن اللذي مضي , وأثبتله حبي وندمي ليه وصلوا لاي درجة....
لحد ماقلت كلمة ,هيا حق كل أنثي , وهيا هنتجوز امتي؟!!....
فسابني تاني وقالي انتي انانية , كل همك الجواز وأنا همي بكرة , همي شغلي وأحسن نفسي ولو بعد فترة , لو لحقتك يبقي حظك ,ولو مكنش هتلاقي غيري كتير من بكرة....
يامجنون لو مكنتش بحبك , مكنتش قاسيت الألم والعذاب ده كله ,مكنتش رفضت ناس كتير واتمسكت بيك كل ده , مكنتش حاولت , مكنتش عملت , مكنتش ومكنتش ومكنش.....
لكنه مسمعنيش , ولا اداني فرصة, وقفل في وشي باب الأمل وباب الحب والحرية.....
ليه بس كده يادنيا؟؟
غضبت وزعلت علي كل اللي عملته , وكل التضحية اللي ضحتها عشان خاطرة , ومع أول جملة يسيبني بسرعة , وكمان يقفل في وشي موبايله , مش مدي فرصة حتي للحوار , ولابقي عايزني زي زمان , وحسيت ان حبه ليه كان كان, يعني مبقاش بيحبني ولا همه اتعذب او أتحرق في ألم حبه وبعده عني وعدم رغبته فيا....
انت مبقتش رايدني , وما أصعب الكلمة , مقدرش افرض نفسي ,لكل واحد مطلق الحرية ...
مش هقولك ارجعلي , لوبتحبني مش هتستني تسمعها.....
خليك بس فاكر اني عملت اللي عليا.
ياربي ساعدني واغفرلي ذنوبي وريحني من العذاب ده كله....
كل ماأجي اضحك تبكيني الدنيا...
هناك تعليق واحد:
لا حول ولا قوة الا بالله
قال رسول الله صلى الله عليه وسلم
...واعلم ان ما اصابك لم يكن ليخطئك
وما اخطأك لم يكن ليصيبك ...
إرسال تعليق